ABŞ Hərbi Dəniz Qüvvələri Oman sahillərində Vaşinqtonun sanksiyaları altında olan tankerə zərbə endirib.
Elchi.az xəbər verir ki, bu barədə “CNN” telekanalı heyət üzvlərinə istinadən məlumat yayıb.
Məlumata görə, söhbət dekabr ayında ABŞ-nin İrana qarşı daha geniş məhdudiyyətlər paketi çərçivəsində sanksiya tətbiq etdiyi “Marivex” tankerindən gedir. Gəminin göyərtəsində 24 hindistanlı dənizçi var.
“Gəmidə yanğın baş verib, o, batır. ABŞ HDQ-nin hücumu baş verib, raket maşın bölməsinə dəyib”, — deyə heyətin göndərdiyi qəza siqnalının mətni qeyd olunub.
“CNN”-in məlumatına görə, neft tankeri Palau bayrağı altında üzür.
Bazar ertəsi Hindistanın Limanlar, Gəmiçilik və Su Yolları Nazirliyi “MT Marivex” gəmisində yanğın baş verdiyini bildirib. Qurumun məlumatına görə, göyərtədəki 24 hindistanlı dənizçinin hamısı təhlükəsiz yerdədir.
Məryəm
