ABŞ Maliyyə Nazirliyinin nümayəndələri Qətər tərəfindən İran aktivlərinin dondurulmasının açılması prosesinə Dohadan nəzarət edəcəklər.
Elchi.az xəbər verir ki, bunu Amerikanın maliyyə naziri Skott Bessent bəyan edib.
“İranlıların əldə edəcəyi bütün vəsaitlər İran xalqının rifahı üçün istifadə olunacaq. Bunlar İranın dondurulmuş aktivləri olacaq. İlk vəsaitlər, çox güman ki, Qətərdən daxil olacaq. ABŞ Maliyyə Nazirliyinin Dohada vəsaitlərin necə bölüşdürülməsinə nəzarət edəcək adamları olacaq”, — deyə o, “CNBC” telekanalına müsahibəsində bildirib. Bessentin sözlərinə görə, vəsaitlərin böyük hissəsi “Amerika ərzaq məhsulları və dərman preparatlarının satın alınmasına yönəldiləcək”.
ABŞ-ın vitse-prezidenti Cey Di Vens Bürgenstokda İran nümayəndə heyəti ilə danışıqlardan sonra İsveçrədən uçmazdan əvvəl jurnalistlərlə söhbətində bildirib ki, Qətər dondurulması açılan İran aktivlərinin xərclənməsinə nəzarət mexanizminin yaradılmasına kömək edəcək.
Məryəm
