ABŞ-ın bəzi ölkələrin mühüm şəhərlərinə atom bombası atmağı planlaşdırdığını sübuta yetirən məxfi sənədlər üzə çıxıb.
Avropa.info xəbər verir ki, ABŞ ordusu 1956-cı ildə müharibə olacağı təqdirdə Moskva, Şərqi Berlin və Pekin daxil olmaqla bir çox şəhərə atom bombası ataraq yox etməyi planlaşdırıb.
Əldə olunan məlumata görə ABŞ ordusu soyuq müharibə dövründə Sovetlər Birliyi, Çin və Şərqi Avropada bir çox şəhəri yer üzündən silmək üçün planlar qurub.
ABŞ-ın Milli Arxiv və Qeydlər İdarəsi Strateji Hava Komandanlığı tərəfindən 1956-cı ildə hazırlanan “1959-cu il üçün atom silahlarının tələbləri haqda araşdırma” adlı tam məxfi işin üzərindəki məxfilik pərdəsini ləğv edib.
Corc Vaşinqton Universitetinin Milli Təhlükəsizlik Arxivi isə üzərindən 59 il ötdükdən sonra gün üzü görən 800 səhifəlik araşdırmanı ictimaiyyətə təqdim edib. Bununla da atom bombası ilə vurulacaq hədəflərin bu günə qədərki ən əhatəli və ətraflı siyahısının üzərindəki məxfilik damğası götürülüb.
Sənədlərə görə ABŞ-ın Strateji Hava Komandanlığı Sovetlər Birliyi daxilindəki 1100 hava limanı və aerodromu hədəf alaraq onları prioritet dərəcəsinə görə siyahıya alıb. Sovetlərin bombardman qüvvələrinə önəm verilən siyahıda indiki Belarus sərhədləri daxilində olan və Qərbi Avropadakı NATO qüvvələrini təhdid etmə gücünə malik orta mənzilli TU-16 bombardman təyyarələrini saxlayan iki hərbi hava bazasına birinci və ikinci dərəcədə yer verilib.
Başqa bir siyahıda isə sistematik yox etmək məqsədilə şəhərlər və sənaye sahələri yer alıb. Siyahıda olan Sovetlər Bloku, Şərqi Almaniya və Çində yerləşən Şərqi Berlin, Moskva, Pekin, Varşava və o zamankı adı Leninqrad olan Sankt Peterburq kimi 1200 şəhər də mühümlük dərəcəsinı uyğun olaraq cərgə ilə siyahıdakı yerini alıb.
Vurulacaq şəhərlərinə siyahısında Moskvaya önəm verildiyi təqdirdə Leninqrad Moskvadan sonra ikinci yerdə durub. Moskvada 179, Leninqradda isə 145 vurulacaq hədəf təyin olunub.
Araşdırmaya görə ABŞ Strateji Hava Komandanlığı düşmənin hava qüvvələri hədəflərini 1,7 ilə 9 megaton arasında dəyişən bombalarla vurmağı planlaşdırıb.
Corc Vaşinqton Universitetinin araşdırmaçısı Viliam Burr 1 megatonun Hiroşimanı yox edən atom bombasının törətdiyi dağıntının 70 qatına bərabər dağıntı edə biləcəyini bildirib.
O belə bir addımın atılacağı təqdirdə yer kürəsində milyonlarla insanın məhv olacağını söyləyib.
Son şərhlər