ABŞ prezidenti Co Bayden administrasiyasının İsrailə 1 milyard dollardan çox yeni silah dəstəyi verməyi planlaşdırdığı iddia edilib.
Elchi.az xəbər verir ki, ABŞ-ın “Wall Street Journal” qəzeti Co Bayden administrasiyasının İsrailə yeni silah dəstəyi iddiası haqda yazıb. Wall Street Journal-da çıxan xəbərə görə, Bayden administrasiyası İsrailə 1 milyard dollardan çox yeni silah dəstəyi verməyi planlaşdırır.
ƏLAQƏ
ABŞ müdafiə naziri Lloyd Ostin İsrailin müdafiə naziri Yoav Gallant ilə İran və Qəzzanı müzakirə edib. Pentaqonun sözçüsü general Pat Ryder tərəfindən edilən yazılı açıqlamada Ostin və Gallant arasında telefon danışığı olduğu bildirilib.
Bəyanatda iki nazirin regional təhdidlər və “İranın Yaxın Şərqdə sabitliyi pozan hərəkətləri” ilə bağlı fikir mübadiləsi apardıqları, Ostinin Aşdod limanında yeni marşrut da daxil olmaqla Qəzzalı mülki vətəndaşlara humanitar yardım axınının artırılması və saxlanmasının vacibliyinə diqqət çəkdiyi bildirilib.
İki nazirin görüşü İsrailin baş naziri Benyamin Netanyahunun Qəzzanın cənubunda təxminən 1,5 milyon köçkün fələstinlinin sığındığı Rəfah şəhərinə girmək üçün vaxt təyin etdiyini açıqlamasından sonra baş tutub.
ABŞ Müdafiə Nazirliyi (Pentaqon) Qəzzanın Rəfah şəhərindəki vəziyyət və İsrailin mümkün hərbi əməliyyatı ilə bağlı İsrail rəsmiləri ilə müzakirələrin davam etdiyini açıqlayıb.
İsrailin baş naziri Benyamin Netanyahunun Qəzzanın cənubundakı Rəfah şəhərinə girəcəyi tarix təyin etdiyi açıqlanıb.
Şayəstə Hüseynova