Suriyanın şərqindəki Deyr əz-Zor əyalətindəki ABŞ hərbi bazası raket atəşinə tutulub. Elchi.az xəbər verir ki, bu barədə RİA Novosti yerli mənbələrə istinadən xəbər verir.
“Amerika bazasının daxilində və yaxınlığında raket atəşi nəticəsində bir neçə partlayış səsi eşidilib”, – agentliyin mənbəsi bildirib.
Qeyd edilir ki, bu, Koniko qaz yatağında yerləşən bazaya son bir neçə gündə ikinci hücumdur.
Qeyd edək ki, bundan əvvəl ABŞ prezidenti Co Bayden ABŞ hərbi bazalarına silsilə hücumlara cavab olaraq Suriyada İrana məxsus olduğu iddia edilən hədəflərə zərbələr endirilməsi barədə göstəriş verib.
Havar Şəfiyeva
