Amerika Birləşmiş Ştatları öz hərbi kontingentinin Baltikyanı ölkələrdə mövcudluğunu davam etdirmək niyyətindədir. Bu bəyanatla martın 14-də ABŞ-ın müdafiə naziri Lloyd Ostin çıxış edib.
Elchi.az -ın Mk.ru-ya istinadən xəbərinə görə,
Pentaqon rəhbəri Latviyanın öz ərazisində NATO qüvvələrinə ev sahibliyi etdiyini xatırladıb və həmçinin əmin edib ki, ABŞ Latviyanın müdafiəsinə tam sadiqdir.
Ostin qeyd edib ki, ABŞ Baltikyanı ölkələrdə Amerika qoşunlarının sabit rotasiya mövcudluğunu saxlamaq niyyətindədir.
Bu arada Latviya, Litva və Estoniyanın müdafiə nazirləri Rusiya ilə sərhədlərdə bunkerlərin tikildiyini bəyan ediblər. Onların açıqlamalarına görə, ümumilikdə altı yüzə yaxın belə strukturun yaradılmasına ehtiyac var. Lakin analitiklər hesab edirlər ki, bu rəqəm altı dəfədən çox olmalıdır.
Bundan əvvəl Rusiya Prezidenti Vladimir Putinin bəyanatında deyilirdi ki, indi Latviyada və digər Baltikyanı respublikalarda rus xalqının sadəcə olaraq kordondan kənara atıldığı zaman baş verənlər ölkəmizin təhlükəsizliyinə birbaşa təsir edən çox ciddi hadisələrdir. Çoxları bunu Moskvanın Baltikyanı ölkələrə ciddi xəbərdarlığı hesab edirdi.
Yeganə
Son şərhlər