ABŞ Yəmənin hərbiləşdirilmiş üsyançı qruplaşması Ənsar Allahı qlobal terrorçular siyahısına qaytaracaq. Elchi.az xəbər verir ki, bu barədə “The Washington Post” ABŞ prezidenti Co Bayden administrasiyasının qərarı ilə tanış olan iki mənbəyə istinadən yazıb.
Bu qərar hərbi hücumların başlamasından və qrupun Qırmızı dənizdə qlobal ticarəti pozmasından sonra verilib. lakin nəşrin qeyd etdiyi kimi, Bayden administrasiyası husiləri yenidən xarici terror təşkilatları siyahısına əlavə etməyəcək ki, bu da Yəmənin humanitar yardım almasına daha da böyük maneə olacaq.
Qeyd edək ki, bundan əvvəl ABŞ və İngiltərənin Yəmənə yeni hücumlar təşkil etdiyi məlum olub. Amerika və Britaniya hərbçilərinin Əl-Bayda əyalətindəki hədəflərə zərbələr endirdiyi dəqiqləşdirilir.
Havar Şəfiyeva
Son şərhlər