ABŞ Hərbi Dəniz Qüvvələrinin “Benfold” raket esminesi iyul ayında Cənubi Çin dənizində 32-37 dərəcə istidə dörd gün ərzində heyətin normal fəaliyyəti üçün zəruri olan bazis şəraitlərdən məhrum olub.
Elchi.az xəbər verir ki, ABŞ HDQ-nin 7-ci donanmasının bəyanatına istinadən “CNN” telekanalının verdiyi məlumata görə, avadanlıqların, o cümlədən generatorların sıradan çıxması səbəbindən gəmi muxtariyyətini və manevr etmək qabiliyyətini itirib.
Donanmanın mətbuat xidmətinin nümayəndəsi Metyu Komering sözlərinə görə, insident “Benfold” gəmisindəki mühəndis nasazlığı səbəbindən baş verib. Komer dəqiqləşdirib ki, esmines Hind-Sakit okean regionunda planlı döyüş növbətçiliyində olarkən “generatorlara təsir edən qəfil qəza” baş verib.
Qəzadan sonra gəmi Filippinin Subik buxtasına yedəyə alınıb. Təmir işləri avqustun 8-dək başa çatdırılıb və bundan sonra gəmi limanı tərk edib.
Məryəm
