Azərbaycanın Qarabağdakı əməliyyatından asılı olmayaraq Birləşmiş Ştatlar Ermənistanla təlimləri əvvəlcədən müəyyən edilmiş 20 sentyabr tarixində başa çatdıracaq. Elchi.az xəbər verir ki, bu barədə Reuters ABŞ hərbi nümayəndəsinə istinadən məlumat yayıb.
“Biz onların əməliyyat apardıqlarını bilirdik, lakin o zaman əsgərlərimiz üçün hər hansı riskin olduğuna inanmırdıq və buna görə də onlar təlim müddətində orada Ermənistanda qaldılar”, – deyə sözçü bildirib.
O, həmçinin qeyd edib ki, 175 Ermənistan və 85 Amerika hərbçisinin iştirakı ilə keçmiş “Qartal tərəfdaşı” hərbi təlimlərində heç bir dəyişiklik olmayıb.
Xatırladaq ki, sentyabrın 19-da Azərbaycanın Müdafiə Nazirliyi özünü elan etmiş Qarabağ Respublikasının nəzarətində olan ərazidə lokal antiterror tədbirlərinə başlandığını elan edib.
Havar Şəfiyeva
Son şərhlər