ABŞ bu həftə Ukraynaya yeni hərbi yardım paketini açıqlayacaq. ABŞ Dövlət Departamentinin rəsmi nümayəndəsi Metyu Miller brifinqdə belə bir bəyanatla çıxış edib. Elchi.az xəbər verir ki, tədbirin yayımı Amerika Xarici İşlər Nazirliyinin saytında yerləşdirilib.
“Biz Ukraynanı artilleriya və silahlarla təmin etməyə davam edirik. Əlavə yardım üçün bu həftənin sonunda yeni elanlarımız olacaq”, – deyə Dövlət Departamentinin sözçüsü yeni Amerika raket sistemlərini ehtiva edən növbəti yardım paketinin məzmununu açıqlamaqdan imtina edib.
Daha əvvəl bildirilib ki, Ukrayna münaqişə başlayandan bəri ABŞ-dan 66,2 milyard dollar yardım alıb və İkinci Dünya Müharibəsindən sonra Vaşinqtondan əsas dəstək alan ölkəyə çevrilib.
Havar Şəfiyeva
Son şərhlər