Rusiya Prezidenti Vladimir Putinin guya ABŞ, İsrail və İran arasındakı müharibənin uzanmasını “istədiyi” iddia olunur.
Elchi.az xəbər verir ki, bu barədə ABŞ-ın BMT-dəki keçmiş daimi nümayəndəsi və Cənubi Karolinanın keçmiş qubernatoru Nikki Heyli “X” sosial şəbəkəsində yazıb.
O qeyd edib ki, Rusiya guya İranla kəşfiyyat məlumatlarını bölüşür və Tehran bu məlumatlardan ABŞ-ın radiolokasiya sistemlərinə hücum etmək üçün istifadə edir. Heyli hesab edir ki, Rusiya bunu “müharibəni uzatmaq” üçün edir.
“Putin bu müharibəni uzatmaq istəyir, çünki hesab edir ki, diqqəti yayınmış Amerika zəif Amerikadır. Məhz buna görə də İranın raketlərinin, pilotsuz uçuş aparatlarının, nüvə proqramının və onların proksi şəbəkəsinin məhv edilməsi böyük əhəmiyyət kəsb edir. Bu, yalnız İran üçün deyil, həm də Rusiya üçün sarsıdıcı olacaq”, — deyə o əminliyini bildirib.
Məryəm
