ABŞ-da “COVID-19 epidemiyası ilə bağlı fırıldaqçılıq” ittihamı ilə 371 nəfərə qarşı 836 milyon dollardan çox məbləğdə ittiham aktı hazırlanıb.
Elchi.az xəbər verir ki, Ədliyyə Nazirliyindən verilən məlumata görə, dələduzluqla mübarizə məqsədilə iki yeni bölmə yaradılıb və bu bölmələr COVID-19 epidemiyası ilə bağlı korrupsiyaya qarşı mübarizə aparacaq.
Açıqlamada 371 nəfərə qarşı “COVID-19 epidemiyası ilə bağlı dələduzluq” ittihamı ilə ittiham aktının hazırlandığı bildirilib.
119 müttəhimin təqsirlərini etiraf etdiyinə dair məlumatların yer aldığı açıqlamada onlardan bəzilərinin mühakimə olunduğu qeyd edilib.Açıqlamada təqsirləndirilən şəxslərin məhkəmə qərarı ilə 57 milyon dollardan çox vəsaiti sahiblərinə qaytardığı, araşdırmalarla bağlı 117 ayrı işin aparıldığı bildirilib.Baş prokuror Merrick Garland, Departamentin bu günə qədər COVID-19 yardım fondlarından oğurlanmış 1,4 milyard dollardan çox vəsaiti müsadirə etdiyini və ölkə daxilində 3,000-dən çox insanı ittiham etdiyini açıqladı.
İttihamnamənin açıq bir mesaj verdiyini qeyd edən Garland, “COVID-19 bitmiş ola bilər, lakin Ədliyyə Nazirliyi epidemiya ilə bağlı fırıldaqları araşdırmağa davam edəcək” dedi. ifadəsini işlətdi.
ABŞ-da epidemiya zamanı COVID-19 yardım fondundan 280 milyard dollardan çox vəsaitin oğurlandığı, 123 milyard dollardan çox vəsaitin isə israf edildiyi bildirilir.
Şayəstə Hüseynova
Son şərhlər