Vəzifəyə gəldiyi gündən bəri ABŞ Prezidenti Donald Tramp Ukrayna Prezidenti Vladimir Zelenskini tez-tez tənqid edib və Ukrayna ilə bağlı sələfi Co Baydeninkindən fərqli bir siyasət yürüdüb.
Elchi.az xəbər verir ki, Ukrayna və ABŞ liderlərinin bir-birini hədəf alan son bəyanatları Trampın prezidentlik dövründə iki ölkə arasındakı münasibətlərin gələcək istiqaməti ilə bağlı suallar doğurub.
Trampın seçki kampaniyası vədlərindən biri müharibəyə son qoymaq idi.
Tramp bu məsələdə tez-tez sələfi Baydeni günahlandırır və iddia edir ki, əgər o, 2020-ci il ABŞ seçkilərində qalib gəlsəydi, Rusiya-Ukrayna müharibəsi heç vaxt başlamazdı və Rusiya Prezidenti Vladimir Putin onun prezidentliyi dövründə müharibəyə başlamazdı.
Zelenskini müharibənin başlamasında günahlandıran və daim daha çox şey tələb etməkdə ittiham edən Tramp bildirir ki, əgər həmin vaxt prezident özü (Tramp) olsaydı, Putin münaqişəyə başlamazdı.
2023-cü il seçki kampaniyası zamanı Tramp demokratları Ukraynaya göstərdikləri genişmiqyaslı dəstəyə görə sərt tənqid edərək, Rusiya-Ukrayna müharibəsini “Baydenin müharibəsi” kimi xarakterizə etmişdi.
Tramp vəzifəyə gəldikdən sonra müharibəyə 24 saat ərzində son qoyacağını vəd etsə də — bu məqsədə nail ola bilmədi — sonradan müharibəni 24 saata bitirməklə bağlı ifadələrinin sadəcə “məcazi” xarakter daşıdığını iddia etdi.
Tramp demokratların hakimiyyətdə olduğu dövrdə Ukraynaya göstərilən 350 milyard dollarlıq yardımı tez-tez tənqid edir.
Şayəstə
