Almaniya Kansleri Fridrix Merz İsrailin ifrat sağçı milli təhlükəsizlik naziri İtamar Ben-Qvirin qeyri-insani və beynəlxalq səviyyədə qanunsuz çağırışlarını qətiyyətlə qınadı və qəbuledilməz hesab etdi.
Elchi.az xəbər verir ki, hökumət sözçüsünün müavini Sebastian Hille Berlində keçirilən mətbuat konfransında Ben-Qvirin “Qəzzaya hər gecə 30-40 hücum edilməlidir” ifadəsinə münasibət bildirib.
Hille deyib: “Kansler Merz Ben-Qvirin qeyri-insani və beynəlxalq səviyyədə qanunsuz çağırışlarını qətiyyətlə qınayır. Bunlar qəbuledilməzdir”.
Hille Avropa Şurasının son iclasında insan ləyaqətini və beynəlxalq hüququ pozan hərəkətlərə çağıran radikal siyasətçilərə qarşı hədəfli tədbirlərin hazırlanması qərarının verildiyini qeyd edib və xarici işlər nazirlərinin bu məsələni Gimniç iclasında müzakirə edəcəklərini qeyd edib. Hille bildirib ki, Baş nazir Merz İsrail hökumətinin Qərb Şəriyəsində atdığı son addımları böyük narahatlıqla izləyir və bu narahatlıq dəfələrlə ifadə olunub.
Sebastian Hille bildirib ki, Merzin mesajı belədir: “Qərb Şəriyədə daha heç bir ilhaq addımı atılmamalıdır. Nə rəsmi addımlar, nə də təsiri getdikcə daha aydın şəkildə ilhaqa gətirib çıxaran siyasi, inkişaf və ya digər tədbirlər. Bunlar iki dövlətli həll yoluna maneələrdir.”
Hille əlavə edib ki, Baş nazir Merzin tələbi işğalçı İsrail qüvvələrinin fələstinlilərə insani münasibət göstərməsi, onların əmlakını qoruması və ictimai xidmətlər və humanitar yardım göstərməsidir.
Məryəm
