ABŞ prezidenti Donald Tramp bütün əvvəlki Amerika liderlərini – Corc Buş, Barak Obama və Co Bayden də daxil olmaqla – NATO üzvlərini hərbi xərclərini artırmağa məcbur edə bilmədiklərinə görə tənqid edib.
Elchi.az xəbər verir ki, Tramp bu barədə Ankarada keçirilən NATO sammitinin sessiyasından əvvəl deyib.
“NATO ölkələri ABŞ-dan məmnuniyyətlə istifadə edirdilər. Əgər Baydenin daha çox beyni olsaydı, onlara daha çox pul ödəmələrini deyərdi. Amma o, etmədi. Obama kimi – bu, illər əvvəl baş verməli idi, amma Obama bunu etmədi, Bayden bunu etmədi və açığı, Buş da etmədi”, – deyə Tramp bildirib.
Həmin anda Rutte sözə qarışıb:
“Amma indi bu, məhz sizin sayənizdə baş verdi. Siz hətta Duayt Eyzenhauerin (1953–1961-ci illərdə ABŞ prezidenti) də etməyə çalışdığı şeyi – Avropa və ABŞ-ın hərbi xərclərini tarazlaşdırmağı – həyata keçirdiniz. Heç bir ABŞ prezidenti bu uğuru qazana bilməmişdi; siz ilk oldunuz”, – deyə Rutte bildirib.
Tramp isə dərhal cavab verib: “Məhz buna görə də onu sevirəm”.
Yeganə
