İran və Omanın ABŞ-a Hörmüz boğazının idarə olunması üçün inzibati ödənişlərin birgə toplanmasını nəzərdə tutan bir təklif təqdim etdiyi iddia edilib.
Elchi.az xəbər verir ki, bu plan qəbul edilərsə, müharibədən əvvəl yük gəmilərinin heç bir ödəniş etmədən keçdiyi boğazın statusunu kökündən dəyişdirəcək.
Keçən ay imzalanan anlaşma memorandumuna əsasən, ABŞ və İran gəmilərin boğazdan 60 gün ərzində təhlükəsiz və sərbəst keçəcəyi barədə razılığa gəliblər.
Razılaşmaya əsasən, bu müddətdən sonra kritik su yolunun idarə olunması İran və Oman arasında digər Fars körfəzi ölkələri ilə danışıqlar yolu ilə müəyyən ediləcək.
Omanın xarici işlər naziri Seyid Bədr bin Həməd Əl-Busəidi bu həftə verdiyi müsahibədə gəmilərə məcburi tranzit haqlarının tətbiq edilməsini dəstəkləmədiklərini bildirib.
Nazir Əl-Busəidi bildirib ki, Malakka və Sinqapur boğazlarında olduğu kimi, vacib su yolunun saxlanılması üçün gəmiçilik şirkətlərindən toplanan məcburi tranzit haqları ilə könüllü haqlar arasında fərq qoyulmalıdır.
Danışıqlara yaxın mənbələr planın bu yaxınlarda ABŞ-a təqdim edildiyini bildirib, Yaxın Şərq rəsmisi isə ABŞ-la mümkün mexanizmlər barədə məsləhətləşmələrin aparılmasına baxmayaraq, Omanın hələ rəsmi təklif təqdim etmədiyini bildirib.
Şayəstə
