Fil Dişi Sahili sahillərində şənbə günündən bəri davam edən güclü yağışların yaratdığı daşqınlarda 59 nəfər, bazar ertəsi günü Qanada baş verən daşqınlarda isə 12 nəfər ölüb.
Elchi.az xəbər verir ki, Fil Dişi Sahili və Qana daşqın fəlakətləri ilə mübarizə aparır. Fil Dişi Sahili sahillərində şənbə günündən bəri davam edən güclü yağışların yaratdığı daşqınlarda 59 nəfər ölüb. Hökumət sözçüsü Amadou Coulibaly axtarış əməliyyatlarının davam etdiyini və hakimiyyət orqanlarının ölənlərin sayının arta biləcəyindən narahat olduğunu bildirib.
Fil Dişi Sahilinin Milli Birlik, Həmrəylik və Yoxsulluğun Azaldılması naziri Myss Belmonde Dogo, ölümlərin bəzilərinin Fil Dişi Sahilinin iqtisadi paytaxtı Abidjanın Attecoube və Yopougon məhəllələrində baş verdiyini bildirib.
Qana daşqınlara təslim olub
Qərbi Afrika ölkəsi olan Fil Dişi Sahilinin qonşusu olan Qana da güclü yağışlardan sonra daşqınlara məruz qalıb. Bazar ertəsi günü paytaxt Akkra da daxil olmaqla, ölkənin böyük bir hissəsini bürüyən daşqınlarda ən azı 12 nəfər həlak olub. Binalar və yollar su altında qalıb, Akkranın müxtəlif yerlərinə və Tema şəhərinə giriş-çıxış kəsilib.
Qana Milli Yanğından Mühafizə Xidmətinin sözçüsü Aleks Kinq Nartey bildirib ki, təsirlənmiş ərazilərə çatmaq təcili yardım qrupları üçün çətin olub və onlar ordudan kömək istəməli olublar.
Qana Meteorologiya Agentliyi həftə ərzində daha çox yağış yağacağı gözlənildiyini bildirərək ictimaiyyəti hazırlıqlı olmağa çağırıb.
Şayəstə
