Kurasao millisi rəsmi olaraq Ginnesin Rekordlar Kitabına daxil edilib.
Elchi.az xəbər verir ki, ada dövləti 2026-cı il dünya çempionatına vəsiqə qazanan ən az əhalisi olan ölkə kimi rekord müəyyənləşdirib.
Kurasaonun əhalisi 156 115 nəfərdir və bu göstərici mundiallar tarixində ən aşağı rəqəm sayılır.
Ginnesin Rekordlar Kitabı bununla bağlı sertifikatı Kürasao Futbol Federasiyasının prezidenti Gilbert Martinaya təqdim edib.
Qeyd edək ki, Kurasao millisi tarixində ilk dəfə dünya çempionatının final mərhələsinə yüksəlib. Komanda turnirdə keçirdiyi ilk oyunda Almaniyaya 1:7 hesabı ilə məğlub olub. Kurasaolular qrupdakı növbəti matçlarını iyunun 21-də Ekvadora, iyunun 25-də isə Fil Dişi Sahili millisinə qarşı keçirəcəklər.
