“Real Madrid”in futbolçusu Qonsalo Qarsiya yay transfer dönəmində komandasını dəyişə bilər.
Elchi.az xarici KİV-ə istinadən xəbər verir ki, 22 yaşlı hücumçunun xidmətində bir neçə klub maraqlıdır.
Məlumata görə, Almaniyanın “Borussiya Dortmund”, İspaniyanın “Real Sosyedad” və İtaliyanın “Komo” klubları futbolçunu heyətinə qatmaq istəyir.
Bildirilir ki, potensial transferin dəyəri təxminən 30 milyon avro qiymətləndirilir.
Qonsalo Qarsiya ötən mövsüm “Real Madrid”in heyətində bütün turnirlərdə 30 oyuna çıxıb, 6 qol vurub və 1 məhsuldar ötürmə ilə yadda qalıb.
Qeyd edək ki, gənc forvardın Madrid klubu ilə müqaviləsi 2030-cu ilin iyun ayınadək qüvvədədir.
