ABŞ Mərkəzi Komandanlığı (CENTCOM), Hörmüz Boğazı üzərində ABŞ-a məxsus Apaçi helikopterinin vurulmasından sonra İrana qarşı başlatdığı hücumlarda heç bir ticarət limanına zərbə vurulmadığını bildirib.
Elchi.az xəbər verir ki, İran dövlət televiziyası ABŞ-ın Hörmüzqan əyalətinin Sirik şəhərindəki iki su anbarını hədəf aldığını açıqlayıb.
ABŞ hücumları nəticəsində bölgədə su çatışmazlığının yarandığı bildirilib.
Dövlət televiziyası həmçinin Qeşm adasındakı heç bir ticarət limanının hücumlarda hədəf alınmadığını açıqlayıb.
CENTCOM-un İranla bağlı “əks hücum” bəyanatı
CENTCOM, ABŞ-ın Apaçi helikopterinin vurulmasına cavab olaraq İrana qarşı əks hücumlara başladığını açıqlayıb.
Komandanlıq açıqlamasında bildirib ki, “Dünən ABŞ ordusuna məxsus Apaçi helikopterinin vurulmasına cavab olaraq, CENTCOM, Baş Komandanın (Donald Tramp) rəhbərliyi altında bu gün saat 17:00-da (ABŞ Şərq Vaxtı ilə) İrana qarşı qanuni müdafiə hücumları həyata keçirib. Bu əməliyyat İranın əsassız təcavüzünə mütənasib cavabdır.”
ABŞ Prezidenti Donald Tramp sosial media hesabında verdiyi açıqlamada Hörmüz boğazında patrul xidməti göstərən ABŞ ordusuna məxsus Apaçi helikopterinin İran tərəfindən vurulduğunu bildirib və əlavə edib ki, “ABŞ bu hücuma cavab verməyə borcludur”.
Prezident Tramp Wall Street Journal qəzetinə qısa telefon açıqlamasında Apaçi helikopterinin vurulmasından “böyük bir şey etmədiyini” bildirib. Tramp açıqlamasında “Bu, o qədər də böyük bir şey deyil. Pilotlar yaxşıdır” deyib.
Digər tərəfdən, Amerikanın CBS News kanalına danışan ABŞ rəsmiləri vertolyot pilotlarının ABŞ ordusunun dəniz pilotsuz təyyarəsi tərəfindən xilas edildiyini bildiriblər. Axios-a danışan başqa bir rəsmi hadisənin İran pilotsuz təyyarəsinin Apaçi helikopteri ilə toqquşması nəticəsində baş verdiyini, lakin bunun qəsdən olub-olmadığını hələlik bilmədiklərini bildirib.
Şayəstə
