Texnologiya nəhəngi Microsoft yeni kvant çipinin əvvəlki versiyasından daha etibarlı olduğunu və bunun üç il ərzində kommersiya baxımından sərfəli problemləri həll edə biləcək bir kvant kompüterinin yolunu açacağını açıqladı.
Elchi.az xəbər verir ki, Kvant kompüterlərinin əsasını təşkil edən və mövcud maşınların həll edə bilmədiyi suallara cavab vermək potensialına malik olan kvant bitləri (kubitlər) incə və qeyri-sabit quruluşları ilə tanınır. Microsoft, “Majorana 2” adlanan yeni çipindəki kubitlərin Majorana 1-dəki kimi millisaniyə əvəzinə orta hesabla 20 saniyə yaşaya biləcəyini bildirdi.
Bu o deməkdir ki, yeni çip min dəfə daha etibarlıdır. Texnologiya nəhəngi bu performans artımını hər gün doldurulmalı olan telefonla bir neçə ildən bir doldurulmalı olan telefon arasındakı fərqə bənzətdi.
Microsoft Quantum Enterprise şirkətinin vitse-prezidenti Zülfi Alam bildirib ki, 2029-cu ilə qədər kommersiya baxımından sərfəli və ağlabatan problemləri həll edə biləcək kvant maşınına sahib olacaqlar. Bununla belə, Alam əlavə edib ki, belə bir cihaz milyonlarla kubit tələb edəcək, hazırkı çip isə cəmi 12 kubit təşkil edir ki, bu da daha böyük irəliləyişlərə ehtiyac olduğunu göstərir. Şirkət ticarət məxfiliyini əsas gətirərək kəşflərinin bütün təfərrüatlarını ictimaiyyətə açıqlamayıb və bu da iddiaların qiymətləndirilməsini çətinləşdirir.
Şayəstə
