Fransa Milli Assambleyası insan hüquqları və beynəlxalq hüquq pozuntularına görə İsrail və Avropa Birliyi (AB) arasında Assosiasiya Sazişinin dayandırılması ilə bağlı qətnamə layihəsini rədd etdi.
Elchi.az xəbər verir ki, AB-İsrail assosiasiya sazişinin dayandırılması ilə bağlı qətnamə layihəsi Milli Assambleyanın Avropa İşləri Komitəsində müzakirə edilib.
Gərginliyin yüksək olduğu komitə iclasında qətnamə rədd edilib. Solçu millət vəkilləri qətnaməni dəstəkləsələr də, ifrat sağçı və mərkəzçi sağçılar “yox” səs veriblər.
Solçu müxalif Yaşıl Partiya millət vəkili Sabrina Sebaihi səsvermədən sonra etdiyi çıxışında qərara reaksiya verib. Sebaihi komitədəki seçici fəallığına diqqət çəkərək deyib: “Komitənin üzvü olmayanlar da daxil olmaqla, bu qətnaməyə qarşı səs verənlərin sayı çox yüksək olub”. Sebaihi, İsrailin Qəzza və Livandakı pozuntularına işarə edərək, Fransanın beynəlxalq və humanitar hüquqa hörmət etmək məsuliyyəti daşıdığını bildirib və deyib: “Siz sakit oturarkən uşaqlar ölür, qadınlar ölür, xəstəxanalar işləmir”.
Sebaihi İsrailin törətdiyi cinayətlərə baxmayaraq, müqavilənin dayandırılmaması qərarını “iyrənc” adlandırıb.
Bəzi AB üzv dövlətləri İsrailin insan hüquqları və beynəlxalq hüquq pozuntularına görə İsraillə Assosiasiya Sazişinin qismən və ya tamamilə dayandırılmasını təklif etmişdilər. Lakin Assosiasiya Sazişinin dayandırılması qərarı yekdil razılıq tələb etdiyindən, belə bir addım atıla bilməzdi.
Şayəstə
