Zaxarova: ABŞ minlərlə insanın təyyarələrdə deportasiya edilməsindən qürur duyur.
Elchi.az xəbər verir ki, Rusiyalı diplomatların uşaqlarına vətəndaşlıq verməyə məcbur edən ABŞ, eyni zamanda minlərlə insanı təyyarələrə sığdırdığı və deportasiya etdiyi ilə də qürur duyur. Bu barədə Rusiya Xarici İşlər Nazirliyinin sözçüsü Mariya Zaxarova Sputnik Radiosunda bildirib.
Rusiya Xarici İşlər Nazirliyinin sözçüsü qeyd edib ki, hazırkı ABŞ administrasiyası ABŞ vətəndaşlığının qanunsuz alınması və qanunsuz naturalizasiya ilə mübarizə aparmaq üçün genişmiqyaslı kampaniyaya başlayıb. Zaxarova həmçinin ölkə hakimiyyətinin uzun illər ABŞ-da yaşayıb işləyən insanları deportasiya etdiyini də qeyd edib.
Diplomatın sözlərinə görə, amerikalılar bir insanın ABŞ üçün nə qədər yaxşılıq etdiyinə, nə qədər layiqli olduğuna, uşaqlarının olub-olmadığına və ya harada doğulduğuna əhəmiyyət vermirlər.
Zaxarova əlavə edib ki, üstəlik, Rusiya diplomatlarının uşaqlarına ABŞ vətəndaşlığının verilməsi telefonla elan edilir. O, bunu hüquq və azadlıqlara malik qanunun aliliyi dövlətinin dağılan imicinin göstəricilərindən biri adlandırıb.
May ayının əvvəlində “Vedomosti” qəzetində dərc olunmuş “Təşəkkür edirəm, amma təşəkkür etmirəm. Yetər. Dayandırın!” adlı məqaləsində Zaxarova yazırdı ki, ABŞ rəsmiləri prezidentin arxasında Rusiya diplomatlarının övladlarına zorla Amerika vətəndaşlığı tətbiq edirlər.
Şayəstə
