ABŞ Prezidenti Donald Trampın ötən həftə sonu Floridada yerli diş həkiminə baş çəkməsi onun sağlamlığı ilə bağlı müzakirələri yenidən alovlandırdı. Ağ Evdə tam təchiz olunmuş stomatoloji klinikanın olmasına baxmayaraq, Trampın Floridada həkimini görmək seçimi ictimaiyyətdə suallar doğurdu.
Elchi.az xəbər verir ki, The Washington Post, ABC News və Ipsos tərəfindən aparılan yeni bir sorğu, amerikalıların 59%-nin Trampın prezident olmaq üçün lazım olan zehni itiliyə malik olmadığına inandığını ortaya qoydu.
İştirakçıların 55%-i Trampın fiziki sağlamlığının bu vəzifə üçün yetərli olmadığını bildirdi. Keçən payız keçirilən bir sorğuda Trampın fiziki sağlamlığının qeyri-kafi olduğunu düşünənlərin faizi 45% idi.
Xroniki sağlamlıq problemləri və müzakirədə olan tibbi seçimlər
Gələn ay 80 yaşı tamam olacaq Trampın sağlamlığı ilə bağlı iddialar yalnız diş müayinəsi ilə məhdudlaşmırdı.
Həftəsonu Floridaya səfəri zamanı çəkilən fotolarda Trampın topuqlarında şişkinlik var idi. Mütəxəssislər bildiriblər ki, bu vəziyyət ötən ilin iyul ayında diaqnoz qoyulmuş “xroniki venoz çatışmazlığı” nəticəsində ayaqlarda qan yığılmasından qaynaqlanır. Trampın tibbi vərdişləri də ciddi şəkildə araşdırılıb. Məlumata görə, prezident gündə 325 milliqram aspirin qəbul edir ki, bu da həkiminin tövsiyə etdiyi miqdardan dörd dəfə çoxdur. Tramp bu seçimini “qanının qatılaşmasını istəmədiyini” deyərək müdafiə edib. Bundan əlavə, əllərindəki qançırlar bu yüksək dozada aspirin istifadəsinin yan təsiri olduğu iddia edilsə də, Ağ Ev əvvəllər bunu “güclü əl sıxmaları” ilə əlaqələndirmişdi.
Şayəstə
