Britaniya hökuməti məktəblərdə smartfon istifadəsinə qanuni qadağa qoymağa hazırlaşdığını açıqladı. “Uşaqların Rifahı və Məktəbləri Qanunu”na bir bənd əlavə ediləcək və məktəblər üçün aydın hüquqi öhdəlik yaradacaq.
Elchi.az xəbər verir ki, Təhsil Departamenti (DfE) bu addımın bir çox məktəbdə artıq mövcud olan telefon məhdudiyyətlərinə “hüquqi qüvvə” verəcəyini bildirdi.
Təhsil Katibi Bridget Phillipson əvvəllər məktəblərə göndərilən təlimatda telefonların gün ərzində istifadə edilməməsini tövsiyə etmişdi.
Yeni tənzimləmə ilə bu tövsiyə status qazanacaq və məktəblərin riayət etməli olduğu bir qaydaya çevriləcək.
“Görünməyən və eşidilməyən”
Təhsil nazirinin müavini Baronessa Jacqui Smith Lordlar Palatasında telefonların söndürülüb çantada olması mənasını verən “görünməyən və eşidilməyən” seçiminin təlimatdan çıxarıldığını bildirdi.
Hökumətin bəzi məktəblərin artıq tətbiq etdiyi şkaflar və ya maqnit möhürlənmiş qutular kimi daha sərt tədbirləri nəzərdən keçirməyə hazır olduğu bildirilir.
Şayəstə
