Bloomberg-in təhlilinə görə, Donald Tramp dövründə İrana qarşı aparılan müharibə ABŞ-ı rəqiblərinə nisbətən daha zəif mövqedə göstərib.
Elchi.az xəbər verir ki, təhlildə bildirilir ki, Donald Tramp administrasiyasının İrana qarşı hərbi kampaniyası və sonrakı kövrək atəşkəs prosesi beynəlxalq ictimaiyyətdə ABŞ-ın strateji tənəzzül yaşadığı barədə şərhlərə səbəb olub.
Avropa və Yaxın Şərqdəki diplomatik mənbələr bu vəziyyətin Çin və Rusiya kimi rəqib gücləri cəsarətləndirdiyi və Amerika gücünü zəiflətdiyi barədə razılığa gəliblər.
Rəqiblər güclənir, ittifaqlar zəifləyir
Qeyd edilib ki, Pekin və Moskva ABŞ-ın hərbi üstünlüyünə baxmayaraq İran rejimini ram edə bilməməsini diqqətlə izləyirdilər.
Mənbələr bildiriblər ki, Trampın əməliyyatı İranı təslim olmağa məcbur etməyib, əksinə ABŞ-ın rəqibləri arasında gücünü itirməsi imicini gücləndirib.
Digər tərəfdən, Trampın NATO müttəfiqlərinə qarşı sərt tənqidləri və ittifaqdan çıxmaqla bağlı təhdidləri Qərb bloku daxilində müdafiə öhdəliyi ilə bağlı uzunmüddətli şübhələr yaradıb.
Şayəstə
