Fars: İranın vurduğu zərərlər milli investisiya fondundan ödəniləcək.
Elchi.az xəbər verir ki, ABŞ və İsrail ilə münaqişə zamanı İranın vurduğu zərərlər yaradılan xüsusi investisiya fondundan ödəniləcək. Bu barədə İranın Fars xəbər agentliyi Tehranın təqdim etdiyi atəşkəs şərtlərinin tam mətni ilə tanış olan mənbəyə istinadən məlumat verib.
“Atəşkəs üçün son çərçivəni müəyyən edən plana aşağıdakı məqamlar daxildir:… milli investisiya fondunun yaradılması ilə zərərin ödənilməsi”, – deyə hesabatda bildirilir.
Bu fondun strukturu və idarə olunması barədə hələlik məlumat yoxdur.
Agentliyin məlumatına görə, İran gələcəkdə gəmilərin Hörmüz boğazından keçməsi üçün ödəniş almaq, əldə edilən vergilərin bir hissəsinin münaqişə zamanı dağıdılmış obyektlərin bərpası proqramlarına istifadə etmək niyyətindədir.
Çərşənbə günü, ultimatumunun bitməsindən bir saat yarım əvvəl ABŞ prezidenti Donald Tramp İranla iki həftəlik atəşkəs elan etdi. Onun sözlərinə görə, qərar Pakistanın Baş naziri Şahbaz Şərif və ölkənin ordu rəisi Asim Munir ilə müzakirələrdən sonra verilib.
Tehran bir sıra şərtlərin yerinə yetirilməsi şərtilə hərbi əməliyyatları dayandırmağa hazır olduğunu təsdiqlədi və Hörmüz boğazında müvəqqəti naviqasiya rejimi elan etdi. ABŞ-İran danışıqlarının bu həftənin sonlarında Pakistanın paytaxtı İslamabadda başlaması planlaşdırılır.
Şayəstə
