ABŞ müdafiə naziri Pit Heqset və Birləşmiş Qərargah Rəisləri Komitəsinin sədri Den Keyn Pentaqonda İranla müharibədəki son hadisələrlə bağlı mətbuat konfransı keçiriblər. Heqset bildirib ki, “Bu gün indiyə qədər ən böyük hücum olacaq. Yuxarıdan ölüm və dağıntı yağacaq. İranın müdafiəsi tamamilə məhv edilib”.
Elchi.az xəbər verir ki, ABŞ müdafiə naziri Pit Heqset son mətbuat konfransında deyib: “Biz qətiyyətli və dəqiq əməliyyat aparırıq. İlk gündən hədəflərimizə doğru plana uyğun olaraq irəliləyirik. İranın raketlərini, raket buraxıcılarını və nüvə infrastrukturunu məhv edirik. Bunlar ilk gündən hədəflərimiz olub. Təxminən 7000 hədəfi vurmuşuq. Bunu deyə bilərəm: Biz müharibəni öz şərtlərimizlə qazanırıq. Biz onlara hər gün daha böyük hücum edirik. Bu gün indiyə qədər ən böyük hücum olacaq. Ölüm və dağıntı yuxarıdan yağacaq. İranın müdafiəsi tamamilə məhv edilib. Biz onların sahib olduğu hər şeyi məhv etdik. Biz həmçinin onların 11 sualtı qayığını məhv etdik. Biz İranı böyük güclə ovlayırıq, amma nankor müttəfiqlərimiz Trampa təşəkkür etməlidirlər”.
ABŞ Baş Qərargah rəisi Den Keyn dedi: “Biz 120 İran gəmisini və 144 təyyarəsini məhv etdik. Əsgərlərimiz bunu inanılmaz dərəcədə təsirli bir diqqətlə edirlər. Onların ən böyük qorxusu işlərini görə bilməməkdir. Bizim çoxlu silahımız və çoxlu hədəfimiz var.”
Şayəstə
