Döyüş əməliyyatları dayandırıldıqdan sonra Amerika Birləşmiş Ştatları İranda gizli əməliyyatlara başlaya bilər.
Elchi.az xəbər verir ki, bu barədə “Wall Street Journal” qəzeti öz mənbələrinə istinadən yazır. Materialda qeyd olunur:
“ABŞ və İsrail, çox güman ki, döyüş əməliyyatları bitdikdən sonra belə, iqtisadi təzyiq göstərmək və gizli əməliyyatlar keçirmək yolu ilə (İran hakimiyyətini) zəiflətməyə davam edəcəklər”.
“Epik Qəzəb” (Epic Fury) əməliyyatı fevralın 28-də ABŞ hakimiyyətinin İrana zərbələr endirilməsi barədə göstərişindən sonra başlayıb. Amerika və İsrail qüvvələri hava hücumundan müdafiə sistemləri, raket kompleksləri, hərbi bazalar və hərbi dəniz donanması obyektləri daxil olmaqla hərbi hədəflərə hücum ediblər. Vaşinqton bəyan edib ki, əməliyyatın məqsədi İranın hərbi potensialını zəiflətmək və onun raket habelə nüvə proqramlarının inkişafına imkan verməməkdir.
Əməliyyatın başlanğıcından bəri İran ərazisinə yüzlərlə zərbə endirilib. Komanda mərkəzləri, silah anbarları və raket buraxılış qurğuları hücuma məruz qalıb. Cavab olaraq Tehran ABŞ-ın Yaxın Şərqdəki bazalarına və müttəfiqlərinə raket və pilotsuz uçuş aparatları (PUA) ilə zərbələr endirməyə başlayıb ki, bu da regionda münaqişənin kəskin şəkildə genişlənməsinə səbəb olub.
Məryəm
