Rusiya kəşfiyyat peyklərinin Avropa rabitə və hərbi peyklərinə yaxınlaşması qitədə kosmik təhlükəsizlik həyəcanı yaratdı, Almaniyanın rəhbərliyi ilə şifrələnmiş peyk şəbəkələri və müdafiə kosmik sistemləri üçün yeni bir hərbi hazırlıq prosesi başladıldı. Avropa hökumətləri kritik infrastrukturu qorumaq üçün birgə addımlar atarkən, Fransa Almaniyanın artan təsirindən narahatdır.
Elchi.az xəbər verir ki, Avropa Birliyi ilə yaxın əlaqələri ilə tanınan EU Observer və Defence Matters tərəfindən verilən məlumata görə, manevr edilə bilən Rusiya kəşfiyyat peyklərinin Avropa rabitə və hərbi peyklərinin orbitinə yaxınlaşması qitədə kosmik təhlükəsizlik üçün yeni müdafiə tədbirlərini də sürətləndirib. Almaniyanın rəhbərlik etdiyi Avropa hökumətləri şifrələnmiş peyk şəbəkələrini, müdafiə “müşahidə” peyklərini və hərbi kosmik investisiyaları genişləndirmək planlarını sürətlə həyata keçirmək barədə razılığa gəliblər. Məlumata görə, yalnız Fransa bu qərardan istisna təşkil edir. Prezident Emmanuel Makronun Almaniyanın qitədə sürətlə artan hərbi təsirindən narahat olduğu iddia edilir.
Avropa orbitində casus peyki
Avropa Birliyi ilə yaxın əlaqələri ilə tanınan EU Observer nəşrinin Avropa Kosmik Agentliyi (ESA) və təhlükəsizlik rəsmilərinə istinadən verdiyi məlumata görə, Rusiyanın “Cosmos-2589” peyki 2025-ci ilin noyabr ayından bəri geostasionar orbitə doğru manevr edir. Təxminən 36.000 kilometr hündürlükdə olan bu orbital kəmər çox sayda Avropa və beynəlxalq rabitə peykinə ev sahibliyi etməklə çox vacib əhəmiyyət kəsb edir. Peyki istehsal edən AO Reşetnev şirkəti əvvəllər Qərb hərbi peyklərinin dalğalarını bloklayan Luç sinifli kəşfiyyat peykləri hazırlaması ilə tanınır.
Şayəstə
