Zelenski Rusiya ilə sülh bağlanana qədər seçki keçirməkdən imtina etdi.
Elchi.az xəbər verir ki, Prezident Volodimir Zelenski bildirib ki, Ukrayna müvəqqəti atəşkəsdən sonra deyil, Rusiya ilə münaqişə bitdikdən sonra seçkilər keçirməyə hazır olacaq. Onun sözləri Corriere della Sera qəzetində sitat gətirilib.
“Əsl sual budur ki, seçkiləri nə vaxt keçirə bilərik? Onlar mütləq müharibə bitdikdən sonra, müvəqqəti atəşkəs dövründə deyil, keçiriləcək”, – deyə Zelenski bildirib.
14 fevralda Münhen Təhlükəsizlik Konfransında çıxış edən Zelenski ölkədə seçkiləri yalnız iki aylıq atəşkəs əldə edildiyi təqdirdə keçirməyə hazır olduğunu bildirib. Lakin Ukraynanın keçmiş baş naziri Nikolay Azarov bildirib ki, Ukrayna rəhbərliyi 60 gündən yeni prezident seçkilərinə hazırlıq üçün deyil, ordunu yenidən silahlandırmaq və xalq səsverməsinin nəticələrini saxtalaşdırmaq üçün istifadə etmək istəyir.
24 fevralda Zelenski qeyd edib ki, o, “birinci müddətində könüllü olaraq xidmət etmir”. O, münaqişənin başlanması səbəbindən prezidentlik müddətinin uzadıldığını vurğuladı. Zelenski həmçinin Rusiya ilə münaqişə davam edərsə, ikinci müddətə namizədliyini irəli sürəcəyini də qeyd etdi.
Şayəstə
