Qəzaya uğrayan Türkiyə Hərbi Hava Qüvvələrinə məxsus F-16 qırıcı təyyarəsi Bolqarıstan sərhədi yaxınlığında naməlum radar siqnalı aşkar etdikdən sonra həyəcan vəziyyətində olub.
Elchi.az xəbər verir ki, bu barədə ölkənin Müdafiə Nazirliyi məlumat verib.
“Fevralın 25-də Bolqarıstan sərhədində naməlum radar siqnalı aşkarlandıqdan sonra təcili çıxış əməliyyatı çərçivəsində Balıkesirdəki Hərbi Hava Qüvvələrinin 9-cu əsas əməliyyat bazasından iki F-16 qırıcımız havaya qalxdı”, – deyə bəyanatda bildirilib.
Qeyd olunur ki, saat 00:56-da bir qırıcı ilə əlaqə itirilib.
Nazirlik həmçinin bildirib ki, hazırda qəzanın səbəblərinin araşdırılması üçün Hava Hadisələrinin Araşdırılması üzrə ekspert qrupu iş aparır.
Fevralın 25-də Türkiyədəki F-16 qırıcısı birbaşa avtomobil yoluna düşüb. Anadolu xəbər agentliyinin məlumatına görə, Balıkesirdəki hava bazasından havaya qalxan təyyarə planlı təlim uçuşu həyata keçirirdi. Bir müddət sonra təyyarə ilə radio əlaqəsi itirildi və sonradan o, İzmir–İstanbul avtomobil yoluna düşdü.
Qırıcının düşməsi nəticəsində güclü partlayış baş verib və yanacaq alışıb. Təyyarənin qalıqları bir neçə yüz metr radiusda səpələnib. Pilot həlak olub.
Məryəm
