Vaşinqton administrasiyası Tehranla təkcə İranın nüvə proqramını deyil, həm də onun silahlarını, o cümlədən raketlərini müzakirə etməyi zəruri hesab edir.
Elchi.az xəbər verir ki, bu barədə ABŞ dövlət katibi Mark Rubio bildirib.
O, səfərdə olduğu Karib dənizindəki Sent-Kits və Nevis adası dövlətində jurnalistlərin suallarını cavablandırarkən deyib: “İran indi çox sayda ballistik raketlərə, xüsusilə də qısa mənzilli ballistik raketlərə malikdir. Onların həmçinin gəmiçiliklə təhdid edən və ABŞ Hərbi Dəniz Qüvvələrini təhdid etməyə çalışan dəniz qüvvələri var. Onların nüvə proqramından əlavə, bu adi silahlar var”.
O, İranla gələcək məsləhətləşmələr üçün mümkün mövzulara toxunaraq, “Bu məsələlərin həllinə ehtiyac var”,-deyə əlavə edib.
Rubio qeyd edib ki, İran-ABŞ danışıqlarının fevralın 26-da Cenevrədə keçirilməsi planlaşdırılan növbəti raundunda ilk növbədə nüvə proqramına diqqət yetiriləcək: “Ancaq onu da xatırlamaq lazımdır ki, İran bizimlə və ya başqası ilə ballistik raketlər haqqında danışmaqdan imtina edir və bu, ciddi problemdir”,-o, vurğulayıb.
Rubio həmçinin bildirib ki, İran nüvə proqramının daim elementlərini yenidən qurmağa çalışır. Onlar hazırda zənginləşdirmirlər, lakin sonda bunu edə biləcəkləri nöqtəyə çatmağa çalışırlar.
Yeganə
