Vaşinqton administrasiyasının İrana mümkün hücuma hazırlıq məqsədilə Yaxın Şərqdə hərbi hazırlıq çərçivəsində on iki ABŞ F-22 gizli qırıcı təyyarəsinin İsrailin cənubundakı hərbi bazaya eniş etdiyi bildirilir.
Elchi.az xəbər verir ki, ABŞ-ın İrana hücum ehtimalı bölgədə təhlükəsizliklə bağlı narahatlıqları artırıb və İsrail mətbuatından təəccüblü bir iddia ortaya çıxıb. Vaşinqton administrasiyasının Yaxın Şərqdə hərbi hazırlıq çərçivəsində on iki ABŞ F-22 gizli qırıcı təyyarəsinin İsrailin cənubundakı hava bazasına eniş etdiyi bildirilib. Xatırladaq ki, bu təyyarələr əvvəllər Böyük Britaniyadakı hava bazasında yerləşirdi, lakin çərşənbə axşamı səhər saatlarında oradan havaya qalxdığı görülüb. İsrail rəsmiləri ABŞ-ın İrana hücumunu “qaçılmaz” hesab etdiklərini və iki ölkənin daim əlaqədə olduqlarını bildiriblər.
ABŞ İraq işğalından bəri ən böyük hava qüvvələrini Yaxın Şərqə yerləşdirmişdi.
ABŞ və İran arasında nüvə danışıqları və mümkün münaqişə ilə bağlı narahatlıqlar gündəmdə qalsa da, uçuş izləmə məlumatları ABŞ-ın Yaxın Şərqə F-35, F-22, F-15 və F-16 da daxil olmaqla onlarla qırıcı və təyyarə göndərdiyini ortaya qoydu. ABŞ mediası Vaşinqton administrasiyasının 2003-cü ildə İraqa hücumundan bəri Yaxın Şərqə ən böyük hava qüvvələrini yerləşdirdiyini açıqladı. Bu hadisələr münaqişə ilə bağlı narahatlıqları artırdı.
Şayəstə
