İsveç hökuməti 2026-cı il üçün Ukraynaya 230 milyon kron ($25,31 milyon) məbləğində humanitar yardım ayırmaq qərarı qəbul edib.
Elchi.az xəbər verir ki, bu barədə hökumət katibliyi məlumat yayıb.
“Bu gün hökumət 2026-cı il üçün Ukraynaya 230 milyon kron məbləğində yeni humanitar yardım paketini təqdim edir. Yardım Birləşmiş Millətlər Təşkilatının Ümumdünya Qida Proqramı, Qaçqınlar üzrə Ali Komissarlıq, Uşaq Fondu, Beynəlxalq Qırmızı Xaç Komitəsi və “Save the Children” təşkilatı arasında bölüşdürüləcək. Bu yardım paketi Ukraynanın qızdırma, su, mənzil və ərzaq üzrə təcili ehtiyaclarını təmin edəcək,” – deyə mətbuat açıqlamasında qeyd olunub.
İsveçin inkişaf əməkdaşlığı və xarici ticarət naziri Benjamin Dousa bildirib ki, İsveç “Ukraynanın dayanıqlığını qoruyacaq və ən həssas əhali təbəqələrinə ümid işığı verəcək tədbirlər paketini təqdim edir”.
Hökumətin məlumatına görə, İsveçin Ukraynaya hərbi dəstəyi ümumilikdə 103 milyard kron ($11,37 milyard), mülki dəstəyi isə 24,7 milyard kron ($2,7 milyard) təşkil edir.
Məryəm
