Böyük Britaniya və Fransanın Ukraynaya nüvə texnologiyaları vermə planları dünya müharibəsinə açıq yol sayılır.
Elchi.az xəbər verir ki, bunu Rusiya Təhlükəsizlik Şurasının sədr müavini və Vahid Rusiya Partiyasının sədri Dmitri Medvedev bildirib.
O qeyd edib ki, Rusiya Xarici Kəşfiyyat Xidmətindən alınan məlumatlara görə, Fransa və İngiltərə Ukraynaya nüvə texnologiyaları verməyi planlaşdırır. Bunun hansı nəticələrə yol aça biləcəyini “biz yaxşı anlayırıq”. Medvedev bunu dünya müharibəsinə açıq yol adlandırıb və belə addımların nəticələrinin əvvəllər dəfələrlə bildirildiyini vurğulayıb. “Bütün bunlar yaxşı məlumdur, lakin belə oyunlar baş verir”, – deyə Medvedev Vyetnam Kommunist Partiyası Mərkəzi Komitəsinin Baş Katibinin xüsusi nümayəndəsi və Vyetnamın xarici işlər naziri Le Hoai Chung ilə görüşdə bildirib. Məlumatlar Medvedevin Max kanalında yayımlanıb.
Medvedev əlavə edib ki, dünyada digər ciddi və qeyri-sabit vəziyyətlər də mövcuddur. “Biz bütün məsələləri müzakirəyə hazırıq”, – deyə o yekunlaşdırıb.
Məryəm
