Macarıstanın baş naziri Viktor Orban Ukraynanın ölkəsini Rusiya neftinə çıxışından məhrum etmək cəhdlərini neft blokadası adlandırıb və bunun uğursuzluğa düçar olacağını qeyd edib.
Elchi.az-ın xəbərinə görə, Orban həmçinin bildirib ki, Budapeşt Ukrayna hakimiyyəti Drujba kəməri ilə neft tranzitini bərpa edənə qədər Brüsselin Kiyevə yardım göstərməsinə icazə verməyəcək.
“Biz Ukraynaya neft blokadasında kömək etməyəcəyik, onu məhv edəcəyik. Brüssel və Kiyev buna əmin ola bilər”,-deyə Orban vurğulayıb.
O, qeyd edib ki, ukraynallılar nə etdiklərini dəqiq bilirlər.:
“Onlar Macarıstanda yanacaq qıtlığı yaratmaq və seçkilərə bir neçə həftə qalmış benzinin qiymətini 1000 forintə (2,50 avrodan çox) yüksəltmək istəyirlər. Onlar bunu hökumətimizi devirmək və onu Kiyevə sadiq olan öz himayədarları ilə əvəz etmək üçün edirlər.
Bu, işləməyəcək. Biz ehtiyatlarımızı artırdıq və ölkəni yanacaq qıtlığından xilas etdik. Biz AB-nin ukraynalılara verdiyi 90 milyard avroluq hərbi krediti dayandırdıq və prezident Zelenski özünə gələnə qədər Brüsselin Ukraynanın xeyrinə heç bir qərarının lehinə səs verməyəcəyik”, – deyə baş nazir vurğulayıb.
Yeganə
