Fransanın PSJ klubu heyətini yeni futbolçu ilə gücləndirməyə hazırlaşır.
Elchi.az xəbər verir ki, Paris təmsilçisi İngiltərənin “Nyukasl” klubunda çıxış edən braziliyalı yarımmüdafiəçi Brunu Gimaraynşı transfer hədəfinə çevirib.
Məlumata görə, PSJ-nin rəhbərliyi 28 yaşlı oyunçu üçün artıq ilkin danışıqlar aparıb.
İngiltərə klubu Gimaraynşı 100 milyon avroya satmağa hazırdır.
Qeyd edək ki, Brunu Gimaraynş cari mövsüm keçirdiyi 35 matçda 9 qol və 7 məhsuldar ötürmə ilə yadda qalıb. Onun müqaviləsinin müddəti 2028-ci ilədək nəzərdə tutulub.
