ABŞ administrasiyası Meksika, ABŞ və Kanada arasında imzalanmış ticarət sazişindən (USMCA) çıxmaq imkanını nəzərdən keçirir.
Elchi.az xəbər verir ki, bu barədə “Bloomberg” agentliyi mənbələrə istinadən məlumat yayıb.
Məlumata görə, ABŞ Prezidenti Donald Tramp ilk prezidentlik müddətində imzaladığı sazişdən Vaşinqtonun çıxması ideyasını qapalı müzakirələrdə irəli sürüb. ABŞ-ın ticarət danışıqları üzrə nümayəndəsi Ceymison Qririn ofisindən bildirilib ki, 2019-cu ildə təsdiqlənmiş müqavilə şərtləri milli maraqlara cavab vermirdi. Həmçinin vurğulanıb ki, administrasiya dövlət başçısına qərar qəbul etmək üçün geniş imkan yaratmaq niyyətindədir.
Bloomberg qeyd edir ki, ABŞ-ın USMCA-dan çıxması dərhal iqtisadi xərclərə səbəb olacaq. Belə ki, hazırda sazişə görə Vaşinqtonun tətbiq etdiyi tariflərdən azad olan Kanada və Meksikadan ixrac olunan daha çox məhsul kateqoriyası rüsumlara cəlb ediləcək.
USMCA-nın mümkün uzadılması 1 iyul tarixinə planlaşdırılan icbari yenidən baxışdan asılıdır. Əgər saziş uzadılsa, daha 16 il qüvvədə qalacaq. Razılıq əldə olunmasa isə müqavilə 2036-cı ildə müddəti başa çatanadək hər il yenidən nəzərdən keçiriləcək. Saziş təxminən 2 trilyon dollar dəyərində mal və xidmətləri əhatə edir.
Məryəm
