İsrailin baş naziri Benyamin Netanyahu Vaşinqtona səfəri zamanı İranla danışıqlara dair baxışını ABŞ prezidenti Donald Trampa təqdim etmək niyyətindədir. O, İsrailin bu məsələdə mövqeyinin Yaxın Şərqdə sülh və təhlükəsizlik istəyən hər kəs üçün vacib olduğunu bildirib.
Elchi.az xəbər verir ki, Netanyahu bu barədə Vaşinqtona uçmazdan əvvəl Ben Qurion hava limanında hökumət təyyarəsinin pilləkənləri qarşısında dayanaraq açıqlama verib.
O, qeyd edib ki, bu, 2022-ci ilin sonunda baş nazir vəzifəsinə qayıtdıqdan sonra ABŞ-a yeddinci səfəridir və ABŞ-İsrail münasibətlərinin hazırda bütün zamanların ən yüksək həddə olduğunu, iki ölkə arasında müstəsna yaxın olduğunu vurğulayıb. Baş nazirin dəftərxanası onun açıqlamalarının videoyazısını yayıb.
“Bu səfər zamanı biz bir sıra məsələləri müzakirə edəcəyik: Qəzza, regiondakı vəziyyət, lakin təbii ki, ilk növbədə İranla danışıqlar. Mən prezidentə Tramp bu danışıqların aparılması prinsipləri, mühüm prinsiplər barədə anlayışımızı təqdim edəcəyəm. Fikrimcə, onlar təkcə İsrail üçün deyil, dünyada Yaxın Şərqdə sülh və təhlükəsizlik istəyən hər kəs üçün vacibdir”, – İsrailin baş naziri bildirib.
Yeganə
