Cavab əməliyyatından sonra həm İran, həm də İsrail özlərini qalib elan etdilər. Amma medalın digər tərəfi başqadır… İranın ballistik raketlərinin yarısı fiasko kimi çıxış edib. İsrail yalnız müttəfiqlərinin köməyi ilə hücumu dəf edə bildi.
Elchi.az xəbər verir ki, İranın hər yerindən 300-dən çox raket və pilotsuz uçuş aparatı atılıb. İsrailə qarşı gözlənilən cavab Yaxın Şərqdə 40 illik kölgə müharibəsini açıq münaqişəyə çevirib.
Aprelin 13-dən aprelin 14-nə keçən gecə İraq, Suriya, İordaniya və işğal olunmuş Fələstin əraziləri üzərindən səmanı işıqlandıran PUA və raketlər uçub.
Hədəf edilən yerlərdən biri əsas kəşfiyyat bazası olan Nevatim idi. Aprelin 1-də İranın Dəməşqdəki konsulluğunu vuran F-35 döyüş təyyarəsi bu hava bazasından havaya qalxıb.
İsrail ordusu hücumdan sonra hava bazasına cüzi ziyan dəyməsinin görüntüsünü dərc edib.
İran əməliyyatı böyük uğur kimi təqdim etsə də, medalın digər tərəfi fərqlidir…
Wall Street Journal qəzetinə danışan üç ABŞ rəsmisi İranın əməliyyatda istifadə etdiyi ballistik raketlərin demək olar ki, yarısının ya atmadığını, ya da hədəfə çatana qədər düşdüyünü iddia edib.
Bundan əlavə, İranın atdığı raket və PUA-ların demək olar ki, hamısı hava hücumundan müdafiə sistemi tərəfindən bloklanıb.
“Politico” qəzeti İranın hücumunun artıq uğursuzluğa düçar olduğunu yazıb. Bildirilib ki, Tehran rəhbərliyi ilk dəfə olaraq İsrailə öz ərazisindən hücum edərək tabu pozmaq istəyir, lakin qəsdən ölümcül hücumdan çəkinir.
Şayəstə Hüseynova
Son şərhlər