Qətər əmiri Şeyx Təmim bin Həməd Al Tani ilk rəsmi səfərini Fransaya edib. Əl Tani Fransa prezidenti Emmanuel Makronla görüşüb.
Elchi.az xəbər verir ki Qətər əmiri Şeyx Təmim bin Həməd Al Tani 2013 – cü ildə taxta çıxdıqdan sonra ilk rəsmi səfərini Fransaya təşkil etdi . Əl Sani paytaxt Parisdəki Yelisey sarayında Fransa prezidenti Emmanuel Makronla görüşüb.
Qətər Əmirliyi Şurasının görüşlə bağlı verdiyi açıqlamada Makron və Əl Tani “iki ölkə arasında mövcud dostluq və əməkdaşlıq əlaqələrini” və “bu əlaqələrin bütün səviyyələrdə, xüsusən də siyasət, təhlükəsizlik, iqtisadiyyat , investisiya, texnologiya, səhiyyə və təhsil mövzularını müzakirə ediblər. Bəyanatda bildirilib ki, liderlər həmçinin Yaxın Şərqdəki son hadisələri, xüsusilə Qəzza zolağı və işğal olunmuş Fələstin ərazilərindəki vəziyyəti müzakirə ediblər.
Fransa Rəyasət Heyətindən verilən açıqlamada, Fransa ilə Qətərin 2024-2030-cu illər arasında Fransada start-up və investisiya fondlarına 10 milyard avro sərmayə qoymağı razılaşdırdığı strateji ortaqlıq imzaladığı bildirilib. Açıqlamada, sözügedən sərmayənin hər iki ölkənin qarşılıqlı faydasına olacağı, investisiyaların hədəflərinin enerji çevrilməsi, yarımkeçiricilər, aviasiya, süni intellekt, rəqəmsal, səhiyyə, yaşayış kimi əsas sektorlar olacağı ifadə edilib.
Qətər Xarici İşlər Nazirliyindən verilən açıqlamada Qəzzaya Fransa ilə birgə humanitar yardım əməliyyatının başladığı açıqlanıb. Bəyanatda deyilir: “Əməkdaşlıq təşəbbüsünün həyata keçirilməsi çərçivəsində Qətər Silahlı Qüvvələrinə aid 3 təyyarə bu gün Misirin Əl-Ariş şəhərinə gəlib və 10 təcili yardım maşını, sığınacaq materialları və qida məhsulları daxil olmaqla 75 ton humanitar yardım daşıyıb. Qətər və Fransa tərəfindən Qəzzaya köçürüləcək.
Nuranə Məmmədova
Son şərhlər