ABŞ-ın Florida ştatında kiçik reaktiv təyyarə magistral yolda qəzaya uğrayıb və alovlanıb, göyərtəsində olan 5 sərnişindən 2-si ölüb.
Elchi.az xəbər verir ki, Floridanın cənub-qərbində I-75 magistralının cənub zolağına çırpılan Bombardier Challenger 600 tipli reaktiv təyyarədən çıxan tünd tüstü onlarla metr qalxaraq ətrafa yayılıb.
ABŞ Federal Aviasiya Administrasiyasının (FAA) verdiyi açıqlamada şəxsi təyyarədə 5 sərnişinin olduğu və qəzanın səbəblərinin yerli hakimiyyət orqanları ilə birlikdə araşdırıldığı bildirilib.
Collier County Şerif Ofisi qəzada 2 nəfərin öldüyünü təsdiqləyib. Təyyarədə olanların kimliyi barədə ətraflı məlumat verilməyib.
Neapol bölgəsində baş verən qəzaya magistral patrul dərhal reaksiya verərkən, təyyarənin Ohayodan Florida ştatının Fort Lauderdeyl şəhərinə getdiyi paylaşılıb.
Bölgədə fəaliyyət göstərən Hava Trafikinə Nəzarət Agentliyi açıqladı ki, əllərində olan səs yazısında pilot Neapolun idarəetmə qülləsinə təyyarəsinin hər iki mühərrikini itirdiyini və hava limanına gedə bilməyəcəyini bildirib.
Sosial mediada paylaşılan görüntülərdə yanan təyyarə qalıqlarının olduğu yerə səlahiyyətlilərin havadan və qurudan müdaxilə etdiyi görülüb.
Şayəstə Hüseynova
Son şərhlər