Qəzza zolağında məcburi köçkünlərin sayı 1,8 milyon nəfərə çatıb ki, bu da anklav əhalisinin 80 faizini təşkil edir. Elchi.az xəbər verir ki, bu barədə BMT-nin Humanitar Məsələlərin Əlaqələndirilməsi Ofisi məlumat yayıb.
“Məcburi köçkünləri izləməkdə çətinliklər də daxil olmaqla, dəqiq hesablamanın əldə edilməsi çətindir, çünki bəziləri ev sahibi ailələrlə yaşayır və humanitar fasilə zamanı evlərinə qayıtsalar da, BMT-nin Fələstinlilərə Yardım Agentliyinin Yaxın Şərq sığınacaqlarında qeydiyyatda qalırlar”, – deyə departament qeyd edib. Qeyd edək ki, bundan əvvəl məlum olmuşdu ki, Təl-Əviv anklavın cənubunda əməliyyata başlasa, ABŞ və İsrail Qəzza zolağının şimalına mülki əhalinin qayıtmasına icazə verəcək. CNN, İsrail və Amerika siyasətçilərinin Qəzzanın cənubuna kütləvi şəkildə qaçan mülki şəxslərin müdafiəsi məsələsini müzakirə etdiyini bildirib.
Havar Şəfiyeva
Son şərhlər