Qəzza zolağında BMT-nin Fələstinli Qaçqınlara Yardım və İşlər üzrə Agentliyinin (UNRWA) daha 6 əməkdaşı həlak olub.
Elchi.az RİA.ru-ya istinadən bildirir ki, bu barədə təşkilatın press-relizində qeyd olunub.
Bununla da öldürülən UNRWA personalının ümumi sayı 35-ə çatıb.
“UNRWA-nın daha altı əməkdaşının öldürüldüyü təsdiqlənib, bununla da oktyabrın 7-dən bu yana ölənlərin ümumi sayı 35 nəfərə çatıb”, – deyə hesabatda deyilir.
Bundan əlavə, son 24 saat ərzində ikisi də daxil olmaqla, Qəzzada UNRWA-nın 40 obyekti zədələnib. Qeyd edək ki, gələn il fevralın 19-da BMT-nin Beynəlxalq Ədalət Məhkəməsində “İsrailin Şərqi Qüds də daxil olmaqla Fələstin ərazisini işğal etməsi” məsələsi ilə bağlı dinləmələr başlayacaq. Fələstinin İsrailin hərəkətləri ilə bağlı Beynəlxalq Cinayət Məhkəməsinə (ICC) şikayət edəcəyi də məlum olub. Bildirilir ki, İsrailin baş naziri Binyamin Netanyahu və ölkənin digər liderləri şəxsən soyqırımda ittiham olunacaqlar.
Oktyabrın 7-də səhər saatlarında Fələstinin HƏMAS hərəkatının hərbi qanadının elan etdiyi Əl-Əqsa tufanı əməliyyatı çərçivəsində İsrail Qəzza zolağından görünməmiş miqyaslı raket hücumuna məruz qalıb. Eyni zamanda, İsrail ordusunun birinci müdafiə xəttini asanlıqla keçərək, girov götürən və ciddi ziyan vuran HƏMAS döyüşçülərindən ibarət mütəşəkkil dəstələr İsrail ərazisinə soxulmağa başlayıb. İsrail daha sonra Qəzza zolağına hücum edərək, bütün su, qida, elektrik, dərman və yanacaq tədarükünü kəsərək Dəmir Qılınclar əməliyyatına başladı.
Yeganə
Son şərhlər