Avropa İttifaqının diplomatları Avropa Komissiyasının rəhbərini vəzifə səlahiyyətlərindən sui-istifadədə günahlandırıb və onun nəzarətsizliyindən şikayətləniblər. Elchi.az xəbər verir ki, bu barədə “Politico” mənbələrə istinadən yazır.
Brüsseldəki şəxsi söhbətlərdə diplomatlar, qanunvericilər və öz işçiləri qeyd ediblər ki, Von Der Leyen AB hökumətlərini qərar qəbul etməkdən uzaqlaşdırır və fərmanla kiçik bir qrup məsləhətçi ilə AK-ni idarə edir.
Keçən həftə sonu onun İsrailə planlaşdırılmamış səfəri zamanı tənqidlər yüksək həddinə çatıb və bu, avropalı diplomatların qəzəbli reaksiyasına səbəb olub.
“Politico”-ya danışan bəziləri, Həmas hücumlarının qurbanları ilə həmrəylik ifadə edən Fon Der Leyenin səfəri zamanı İsrailə Qəzza zolağında beynəlxalq qanunlara hörmət etmək çağırışlarını çatdırmamasından narazı olduqlarını qeyd ediblər.
Avropa İttifaqının xarici siyasət rəhbəri Josep Borrell də AK sədrini açıq şəkildə danlayıb. O vurğulayıb ki, fon der Leyenin Aİ-nin xarici siyasətlə bağlı fikirlərini təmsil etmək hüququ yoxdur.
Havar Şəfiyeva
Son şərhlər