Macarıstanın baş naziri Viktor Orban Avropa İttifaqının (Aİ) Ukraynanın mümkün üzvlüyü ilə bağlı danışıqlara başlamazdan əvvəl çox çətin suallara cavab verməli olduğu fikrini ifadə edib.
Elchi.az Mk.ru-ya istinadən xəbər verir ki, bu barədə “Reuters.com” yazır.
O, vurğulayıb ki, Ukraynanın Aİ-yə üzvlüyü məsələsi, xüsusən də ölkənin yaşadığı indiki münaqişə vəziyyətini nəzərə alaraq, ciddi şəkildə nəzərdən keçirilməlidir. Orban münaqişə bitdikdən sonra Ukrayna ərazisinin ölçüsü və əhalisi ilə bağlı qeyri-müəyyənliyə də işarə edib.
Macarıstanın baş naziri vurğulayıb ki, Ukraynanın Aİ-yə daxil olması ilə bağlı danışıqlara başlamaq qərarı diqqətlə, uzun və çətin suallara cavab verdikdən sonra qəbul edilməlidir. Bu qərar, onun fikrincə, əsaslı olmalı və bütün aspektləri nəzərə almaqla düşünülməlidir.
Xatırladaq ki, bundan əvvəl Avropa Komissiyası Ukraynanın Aİ-yə namizəd statusunu saxlamaq üçün yeddi tələb irəli sürmüşdü.
Yeganə
Son şərhlər