Şimali Koreya lideri Kim Çen In Rusiyaya səfərindən sonra iştirak etdiyi siyasi büro iclasında bəyan edib ki, Rusiya ilə münasibətləri daha da gücləndirmək üçün addımlar atılmalıdır.
Elchi.az xəbər verir ki, Şimali Koreya Mərkəzi Xəbər Agentliyinin (KCNA) xəbərinə görə, sentyabrın 20-də Kimin iştirakı ilə Koreya Fəhlə Partiyasının (WPK) 16-cı siyasi büro iclası keçirilib.
İclasda Kimin Rusiyaya rəsmi səfərinin yekunlarına dair hesabat təqdim olunub.
Xəbərdə Kimin Putinin dəvəti ilə 12-17 sentyabr tarixlərində Rusiyanın müxtəlif bölgələrinə səfər etdiyi və sonuncu səfərin Şimali Koreya-Rusiya münasibətlərini “yeni dövrün tələblərinə uyğun olaraq yeni strateji səviyyəyə” çıxardığı qeyd edilib.
Xəbərdə bu səfərin dünyanın geosiyasi vəziyyətində də “köklü dəyişiklik” gətirdiyi və Kimin Şimali Koreya-Rusiya münasibətlərinin inkişafı ilə bağlı uzunmüddətli planlarının yer aldığı qeyd edilib.
Siyasi Büro iclasında Kim vurğulayıb ki, Rusiya ilə “yaxşı qonşuluq və əməkdaşlıq əlaqələrinin daha da möhkəmləndirilməsi, bütün sahələrdə ikitərəfli münasibətlərin daha da aktivləşdirilməsi və səfər zamanı əldə edilmiş nailiyyətlərin möhkəmləndirilməsi üçün” addımlar atılmalıdır.
Digər tərəfdən, sözügedən addımların necə olacağı barədə məlumat verilməyib.
Şayəstə Hüseynova
Son şərhlər