ABŞ Ədliyyə Departamentinin Google-a qarşı inhisarçılıqla məşğul olması səbəbilə açdığı ölkədə dörddəbir əsrin ən böyük “antiinhisar” (müəssisələr arasında rəqabəti tənzimləyən qanun) işinin məhkəməsi bu gün başlayır.
Elchi.az xəbər verir ki, ABŞ-da dörddəbir əsrdə Google-a qarşı açılan ən böyük “antiinhisar” iddiası bu gün başlayır.
İddianın bir hissəsi olaraq federal hüquqşünaslar və ştatın baş prokurorları qarşıdakı 10 həftə ərzində Google-un “çox sayda cihazda defolt seçim kimi axtarış sistemini kilidləməklə” bazarı öz xeyrinə manipulyasiya etdiyini sübut etməyə çalışacaqlar.
Google-un ana şirkəti Alphabet-in yüksək səviyyəli rəhbərlərinin, eləcə də digər texnologiya şirkətlərinin rəhbərlərinin ifadə verməsi gözlənilir.
İfadə verəcəyi gözlənilənlər arasında Alphabet-in baş direktoru Sundar Piçai də var.
Məhkəmə sənədləri göstərir ki, Apple-ın İnternet Proqramı və Xidmətləri üzrə Baş Vitse-Prezidenti Eddy Cue də stenddə çağırıla bilər.
Google-un smartfon istehsalçılarından “Android proqram mağazasına tam giriş əldə edə bilməsi üçün Google axtarış sisteminin Android proqram təminatı ilə birləşdirilməsini tələb etməyi” tələb etməklə bazarı qeyri-qanuni manipulyasiya etdiyi iddia edilir.
Qeyd olunur ki, sözügedən iş 1998-ci ildə ABŞ-da Microsoft-a qarşı açılan işdən sonra ötən rüb əsrin ən böyük “antiinhisar işi”dir.
Şayəstə Hüseynova
Son şərhlər