Yaponiyada 2019-cu ildə 36 nəfərin öldüyü Kyoto Animation (KyoAni) studiyasının yandırılmasına görə mühakimə olunan Aoba Şinji (45) günahını etiraf edib.
Elchi.az xəbər verir ki, Kyoto Rayon Məhkəməsində şəhərin Fuşimi rayonunda üçmərtəbəli KyoAni studiyasının yandırılması ilə bağlı həbs edilən Aobanın məhkəməsinin ilk iclası keçirilib.
Üz maskası taxan və əlil arabasında oturan Aoba “qətl” və “yandırma” da daxil olmaqla ittihamları boynuna alıb.
Aoba studiyanı yandırdığını etiraf edib: “Etdiyimi etməkdən başqa çarəm olmadığını hiss etdim. Bu qədər insanın öləcəyini gözləmirdim”. ifadələrdən istifadə etmişdir.
Aobanın 2024-cü il yanvarın sonunda mühakimə olunacağı gözlənilir.
Prokurorların Aobaya qarşı ölüm cəzası tələb etdiyi bildirilir.
Şayəstə Hüseynova
Son şərhlər